Ez dadila erori
Gure ibilbidea futbolaren inguruko proiektu sozio-hezitzaile batekin hasi genuen: African Football Academy, Rufisque-n (Dakar).
Ekimen horren sustatzailea Papa Bakary Diop (Bekaye) da, elkarteko presidentea. Bera futbolaria izan zen Senegalen eta urteetan zehar baliabiderik gabeko gazteen artean eskola-absentismoa nola areagotu den ikusi du.
Gazte horietako askok bizitza aukera bat ikusten dute futbolean, eskola alde batera utziz.
Kezka honen inguruan African Football Academy jaiotzen da. Bere helburua afrikar gazteentzako formazio aukerak eskaintzen dituen espazio bat sortzea da.
African Football Academy ez da soilik futbol eskola bat, proiektuaren ardatza hezkuntza da, hau da, bertako haurrei hezkuntzarako sarbidea erraztea.
Eskola hau ume askorentzat aukera bat izateaz gain, baliabide garrantzitsua izango da Rufisque-ko komunitatearentzat.
Big Road-en proiektu hori abiarazteko baliabide ekonomikoak bildu nahi ditugu. Diru hori hurrengo ekintzetara bideratuko dugu:
- Manuntentzio eta bizilekua bere bizitokitik urrun dauden haurrentzat, edo haien familiak ordaindu ezin dituztenentzat.
- Umeen eskolatzea.
- Eskola eta kirol-materiala.
- Kirol ekipamendua.
- Aseguru medikoa.